منتديات أحلى شباب

منتدى متخصص بالمواضيع الثقافية والألعاب والبرامج والجوالات والأغاني والأبراج والفن وغيرها الكثير الكثير ***-الرئيس-أحمد جليلاتي-***ABO7MAED*** -شبل سوريا-
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 بعض الكلمات السورية ومعانيها

اذهب الى الأسفل 
كاتب الموضوعرسالة
Admin
الرئيس
الرئيس
avatar

عدد الرسائل : 93
العمر : 25
العمر : 14
العمل/الترفيه : طالب
البلد : ســــــــــــ الأسد ـــــــــــوريا
تاريخ التسجيل : 31/03/2008

مُساهمةموضوع: بعض الكلمات السورية ومعانيها   الثلاثاء أبريل 15, 2008 5:46 pm

بعض الكلمات السورية ومعانيها

لاشك اننا نحب سوريا ومن يحب الشيء يتعمق فيه ويحاول ان يعرف عنه كل شيء
بخلاف جوها العليل ومناظرها الجميلة تبقى اللهجه السورية ايضاً جميلة وسهله وخفيفه وتختلف الكلمات السورية من مدينة الى اخرى

عم تفرك مثل البرغوت باللبنيه = بتتحرك كثير
مابتكن = مابتهداء
شحو = ذا هو
احط من هون = انقلع من هنا
مرستئه = زابطة
عين تطرئك = معناها عين تحسدك
مسبسل = ناعم
شنتير= العجوز الكبير بالسن
زته = ارميه
اول ماجهجه الضو = اول ماطلع الضو بالصبح
نمرود = الشخص اللي بيتمرد
مشكشكه= اللي تلبس لبس فيه زخرفه كثير
مغندره = اللي تحط الميك اب
شئشله = دلع
جولئة او بوجئة= الحكي اللي فيه دلع
شهل = عجل
مبوزم = زعلان وماد بوزه
طيلسة = لقافه <<<<<ياكثرها هالايام
لعبجي = فوضى
مدكن = مخبى
سلبة = الشخص اللي مطنش الناس بيقولوا له ليس ضاربا سلبه
فلجه = روعه
روكبت = عصلجت
متزاول = تقال للشخص اللي انت او مقهور منه
نزعتلي مرائي = قطعت لي سلسة افكاري
شمئرين = المرأة القوية
لسانك بسبع شطلات = معناها لسانك طويل

كلمات عاميه
كوكش : يعيني يفتش.
بحبش : ايضاً مفردة تعني البحث مع التمحيص.
ينمحق : ويعني ينضرب على قامتو .. يسطفل.
يبعتلو حمى : أي تصيبه حمى ويمرض.
يتحورق : متل يبعتلو حمى.
يتقوص : بنفس المعنى.
يتأمع : كمان هيك شي.
عود يقعد رزك : يعني خيلتنا حاجة تحوص.
والمعنى الأدق: يقعد رزك يعني تموت والناس ياكلو رز.. لانو من المعروف عندما يموت حدى بتصير عزيمة وبيطعمو الناس أوزي على روح الميت والأوزي آكله معروفة بالشام.
وين غاطط : وين مو مبين.
والسبع تنعام : يعني النا الشرف.
حيط بياخذو وحيط بيجيو : تقال للي بيسكر من كتر الترنح.
مابيعرف الخمسة من الطمسه : عن الرجل اللي ماعندو ثقافة.
سري مري : عاللي بيخفق برات البيت.
شندي بندي : للي بيحكي بلا طعمه شروي غروي.
فايت بالحيط – طاقق الفيوز : للدلالة على انو ماعم يلاقى كلمة مناسبة.
مجنط : مفلس ولا قرش.
كحته : أيدو ماسكه .. بخيل.
شاطط ماطط : يعني مدلع زيادة.
نعيان : يعني قلبو بارد.
نايط = نعيان = بارد
شحاطة : مايلبسه المرء في قدمه عندما يكون في المنزل.
أسسييع أوعى الزيت : بمعنى وسع وفسح طريق.
أغيييييى : هي للأقبضايات وبس.
تأكلو الدودة العميا : يعني الواحد يموت وياكله الدود بعيد الشر.
يبعتلو اتلو شو سمج : كمان يعني يموت وسمج يعني غليظ..
موسوس : مهووس بشغله.
عقلو جوزتين بخرج : يعني عقله صغير.
متل الأطرش بالزفة : يعني مالو علاقة بالموضوع.
حاج تحوص وتلوص : يعني حاجة تفتل وتدور.
شوية لأخار : بعد شوي.
مئنزع : يعني شايف حالو.
خروء : يعني الله يعينو مابطلع بإيدو شي مثل خرطي وبتنقال على هلي مرتو راكبته
كلول وشكور: حلويات شامية بتشبه الأسية
كلاج و نهش : حلويات ماتشوفها غير برمضان
أصابع الست : كمان نوع من الحلويات الشاميةز
مئرئز : يعني كتير بحوص ومو ثابت
معت : يعني بجيب الجلطة
بميزع العئل : يعني بطير ضبنات العئل
محرئص : بيضل بحوص وما بيثبت بأرنة
كنو مكوك الحايك : انو مابيعد وبضل رايح جاي
نضايفي : بحب النظافة وبعكس وسايخي
يتحط حطامك ادامك : دعوة مو حلوة
تروح فرم : نفس الشي
ولي على عيونك : دعوة نسائية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://a7la.forumotion.com
 
بعض الكلمات السورية ومعانيها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى شباب :: الفئة الأولى :: المنتدى الأول :: قسم المنوعات العامة للمواضيع-
انتقل الى: